أفضل توصيف للموت هو اللى أتكتب فـ عمود صحفى أسمه ( عزيزتى " آبى " )
أو (Dear " Abby " ) فـ أمريكا سنة 1960 .. كاتبة العمود بتقول : ( كنت
واقفة عند شاطىء البحر وإذا بسفينة تنشر ذراعها وتتحرك لكى تعبر المحيط ..
كان منظرها ومرورها من أمامى مبهجًا .. بقيت أراقبها إلى أن غابت فى الأفق
.. حزنت .. وقلت بـ أسى : لقد ذهبت لقد ذهبت .. فى نفس اللحظة قال لى أحد
الأشخاص الواقف بجوارى : نعم لقد ذهبت لكن هناك آخرون يرقبون وصولها إليهم
فـ مكان آخر وتتعالى أصواتهم فـ سعادة : لقد وصلت لقد وصلت؛
هذا هو الموت ) .. مفيش حد فينا قلبه ماوجعهوش أو ضهره ما أتقطمش من فراق
إنسان عزيز .. لازم هتلاقى حد خد من قلبك حتة وأتوفى .. العزاء الوحيد بس
بيبقى إن كل اللى ماتوا أكيد فـ مكان أحسن .. وإن على قد الحزن اللى جوانا
لـ الفراق على قد ما فيه ناس تانية عزيزة سبقوهم هيكونوا مبسوطين وهما
منتظرينهم بيستقبلوهم فـ المكان الأحسن ده .. ربنا يبارك فـ عمر كل أحبابكم
ويرزقهم الصحة وطول العمر ويرحم كل اللى ماتوا ويغفر لهم ويلحقنا بيهم على
خير
إرسال تعليق